Ekspert: “Rusiya bu məsələdə Ermənistana güzəştə getməyəcək”
“Rusiya qaz tariflərinin azaldılması məsələsində Ermənistana güzəştə getməyəcək”.
ARANTV.AZ xəbər verir ki, bunu Trend-ə rusiyalı ekspert Aleksey Nejivoy deyib.
O bildirib ki, Ermənistanda baş vermiş məlum hadisələrdən sonra Rusiya yeni hökumətə müxtəlif ticarət alətləri vasitəsilə təzyiqlər göstərəcək:
“Bu cür siyasətin nəticəsi Ermənistan üçün kədərli ola bilər, çünki ölkə tam dəstəksiz qala bilər”.
Qeyd edək ki, 2018-ci ilin dekabrın 31-də “Qazprom-Ermənistan” şirkəti ölkədə təbii qaz qiymətlərinin artdığını elan etmişdi.
Rusiya ilə Ermənistan arasında aparılan danışıqların yekununda qazın min kubmetrinin əvvəlki 150 dollar əvəzinə 165 dollara satılması qərara alınıb.
