Nazir müavini: “Dünya ölkələri hər hansı tədbirin Azərbaycanda keçirilməsinə tərəddüd etmədən razılıq verirlər, bu, ulu öndərin siyasətinin nəticəsidir”
“Ötən il Azərbaycanda 50-dən artıq beynəlxalq idman tədbirləri və yarışları keçirilib”.
ARANTV.AZ Trend-ə istinadən xəbər verir ki, bunu jurnalistlərə açıqlamasında Gənclər və İdman nazirinin müavini İsmayıl İsmayılov deyib.
Nazir müavini bildirib ki, bu dövlətimizin yürütdüyü uğurlu siyasətin nəticəsidir: “Azərbaycan bu gün dünyada idman ölkəsi kimi tanınır. Bu günə qədər ölkəmizdə dünyanın ən ali idman tədbirləri təşkil olunub. Bunun da əsası ulu öndər Heydər Əliyev tərəfindən qoyulub. Bu siyasət bu gün də Prezident İlham Əliyev tərəfindən davam etdirilir”.
İ.İsmayılov qeyd edib ki, beynəlxalq əhəmiyyətli yarışların Azərbaycanda keçirilməsi ölkəmizin dünyanın idman arenasında etimadı doğrultmasından irəli gəlir:
“Dünya ölkələri bu gün hər hansı bir tədbirin, yarışın Azərbaycanda keçirilməsinə tərəddüd etmədən razılıq verirlər. Bu, ulu öndərin siyasətinin nəticəsidir”.
