Bakıda müəllim şagirdi döydü – FOTO
Bakıda daha bir məktəbdə şagird müəllim tərəfindən döyülüb.
ARANTV.AZ-ın məlumatına görə, hadisə Binəqədi qəsəbəsi, Üçüncü mədən adlanan ərazidə yerləşən 205 saylı tam orta məktəbdə qeydə alınıb.
Belə ki, məktəbdə çalışan müəllim, 1983-cü il təvəllüdlü Sevinc Vaqif qızı Əzimova həmin məktəbdə oxuyan 2005-ci il təvəllüdlü – Rəsul Şahin oğlu Əliyevi döyərək ona xəsarət yetirib.
Faktla bağlı uşağın valideynləri polis bölməsinə şikayət ərizəsi yazıb. Şikayət əsasında S.Əzimova hüquq-mühafizə orqanları tərəfindən polis bölməsinə çağırılıb və izahatı alındıqdan sonra sərbəst buraxılıb.
Faktla bağlı araşdırma davam edir.
oxu.az
