“Bakı və ətraf ərazilərdə relsli nəqliyyatın payı əhəmiyyətli dərəcədə artacaq”. Bunu nəqliyyat məsələləri üzrə ekspert Rauf Ağamirzəyev Metbuat.az-a açıqlamasında deyib. O bildirib ki, 2025-2030-cu il Dövlət Proqramına əsasən, Bakı şəhərinin və onun ətraf ərazilərinin nəqliyyat şəbəkəsinin genişləndirilməsi layihəsi çərçivəsində Azərbaycan Dəmir Yolları bir neçə mühüm istiqamətdə layihələr həyata keçirəcək: “Zabrat–Maştağa–Bağlar–Buzovna xətti, Bakıxanov–Suraxanı–Hövsan xətti, eləcə də Bakıxanov–Suraxanı–Binə–Qala istiqamətində mövcud dəmir yolunun təkmilləşdirilməsi yaxın illər ərzində icra olunacaq. Layihə çərçivəsində 20 yeni qatarın alınması planlaşdırılır və bu qatarlar həm Abşeron dairəvi xəttində, həm də qeyd olunan istiqamətlərdə sürətli sərnişin daşımalarını təmin edəcək”.…

Ötən gün Prezident İlham Əliyevin sərəncamı ilə Fuad Nəcəfli Naxçıvan Muxtar Respublikasında Azərbaycan Prezidentinin səlahiyyətli nümayəndəsi vəzifəsindən azad edilib. Musavat.com xəbər verir ki, Manset.az xəbər portalı işdən çıxarılan Fuad Nəcəfli ilə əlaqə saxlayıb. Ona “Vəzifənizdən nə üçün azad edildiniz, səhvlərinizi nədə görürsünüz?” sualları ünvanlanıb. Fuad Nəcəfli isə cavabında “Yaxşı, oldu, sağ olun” deyərək susmağa üstünlük verib. Qeyd edək ki, Fuad Nəcəfli Naxçıvanda Prezidentin səlahiyyətli nümayəndəsi vəzifəsinə 22 dekabr 2022-ci ildə təyin olunmuşdu. Ötən gün Prezidentin sərəncamı ilə həmin vəzifədən azad edilib. Digər sərəncamla Ceyhun Cəlilov Naxçıvan Muxtar Respublikasında Azərbaycan Prezidentinin səlahiyyətli nümayəndəsi təyin olunub.

Özlərini hansısa ulduza oxşatmaq, ya da dəbə uymaq… Son illər Azərbaycanda plastik cərrahiyyə əməliyyatlarına üz tutan gənclərin sayı artıb. Kimi yaxşı nəfəs ala bilmədiyini, kimi burnunun görüntüsündən narazı qaldığını əsas gətirib, bıçaq altına yatır. İllər öncə Amerika, Avropada, İranda dəb halını alan plastik əməliyyatlar artıq Azərbaycanda da sürətlə artmağa, adiləşməyə başlayıb. Maraqlıdır ki, zamanında 40-dan artıq yaşı olan qadınlar bu əməliyyatlara daha çox meyl etsələr də, indi bu dəb gəncləri də öz əhatəsinə alıb. Amma  estetik cərrahiyyə sürətli inkişafına baxmayaq, özündə təhlükəni də ehtiva edir. Çünki mütəxəssislər dəfələrlə bildirirlər ki,…

Azərbaycan Respublikası Prezidentinin Sərəncamı ilə Göyçay Rayon İcra Hakimiyyətinin başçısı təyin olunan Orxan Çingiz oğlu Mürsəlov bu gün Azərbaycan Respublikası Prezidentinin köməkçisi – Ərazi-təşkilat məsələləri şöbəsinin müdiri Zeynal Nağdəliyev tərəfindən rayon ictimaiyyətinin nümayəndələrinin iştirakı ilə kollektivə təqdim olunub. Musavat.com xəbər verir ki, təqdimatda Zeynal Nağdəliyev çıxış edib və dövlət başçısının tapşırıq və tövsiyələrini çatdırıb. Orxan Mürsəlov ona göstərilən etimada görə minnətdarlıq edib.

İşğaldan azad edilmiş rayonlarda tikinti-quraşdırma işlərinə 2025-ci ilin yanvar-sentyabr ayları ərzində bütün maliyyə mənbələri hesabına 3 milyard 150 milyon 268 min manat vəsait sərf edilib. Musavat.com xəbər verir ki, bu barədə APA Dövlət Statistika Komitəsinin hesabatı əsasında apardığı hesablamalara istinadən xəbər verir. Qeyd edək ki, hesabat dövründə ən çox vəsait Kəlbəcər (781 mln. 429 min manat), Ağdam (432 mln. 668 min manat), Zəngilan (345 mln. 685 min manat) və Laçın ( 323 mln. 961 min manat) rayonlarına ayrılıb. Xatırladaq ki, cari ilin yanvar-sentyabr ayları ərzində Azərbaycanda bütün maliyyə mənbələrindən əsas kapitala 13…