O, Vətənə sevgisini sözlə deyil, canı ilə sübut edən gənclərimizdən biri idi. Həyatının hər anı, hər addımı torpaq sevgisi, vətənə sədaqət və qəhrəmanlıqla dolu idi. 1997-ci ilin yanvarında Xocalıdan didərgin düşmüş bir ailənin övladı kimi dünyaya gəldi amma içindəki Xocalı həsrəti onu daim mübariz və döyüşkən etdi.   Ceyhun hələ gənc yaşlarından hərbi formaya, döyüş ruhuna, ədalətə inanırdı. Xidmət etdiyi hər yerdə Vətənini uca tutdu, Günnüt əməliyyatında göstərdiyi igidliklə adını qəhrəmanlar sırasına yazdırdı. O, sadəcə bir əsgər deyildi o, Xocalının intiqamını almaq, torpaqlarımızı azad görmək istəyən bir igid idi.  …

Əməkdar artist Cabir İmanovla vida mərasimi keçirilir. ARANTV.AZ  xəbər verir ki, aktyorun nəşi Cümə məscidinə cənazə namazı qılınmaq üçün gətirilib. Media nümayəndələri məsciddən çıxarılıb. Tahir İmanov bildirib ki, çəkiliş dinə uyğun deyil. Halallıq vermir. Çəkiliş dayanmadan cənazə maşından çıxarılmayacaq. Aktyorla vida mərasimi Dövlət Təhlükəsizliyi Xidmətinin (DTX) Mədəniyyət Mərkəzində olacaq. Aktyoru son mənzilə yola salmağa yaxınları, ailə üzvləri, sənət dostları toplaşır. Cabir İmanov Qurd Qapısı qəbiristanlığında dəfn ediləcək. Qeyd edək ki, Cabir İmanov sentyabrın 29-da günorta saatlarında idman zalında infarktdan vəfat edib.

Ədliyyə Nazirliyi tərəfindən həyata keçirilən islahatlar çərçivəsində proseslərin optimallaşdırılması və rəqəmsallaşdırılması istiqamətində növbəti addım kimi daşınmaz əmlakın bazar dəyərini müəyyən etməyə imkan verən süni intellekt dəstəkli yeni əmlak qiymətləndirmə xidməti istifadəyə verilib. ARANTV.AZ  xəbər verir ki, bu rəqəmsal xidmət daşınmaz əmlakın alqı-satqısı zamanı həm vətəndaşların, həm də notariusların istifadəsi üçün nəzərdə tutulub. Belə ki, yeni xidmət vasitəsilə alqı-satqı zamanı istər vətəndaşlar, istərsə də notariuslar mənzil, torpaq sahəsi, yaşayış və qeyri-yaşayış kateqoriyaları üzrə daşınmaz əmlakın təxmini bazar qiymətini hesablaya biləcəklər. Əmlakın əsas xüsusiyyətlərinin daxil edilməsi əsasında sistem qiymətləndirmə aparır və daim…

Dövlət Sosial Müdafiə Fondu Vətən müharibəsinin 5-ci ildönümünə həsr edilmiş “Zəfər sənəti” layihəsinə start verir. Bu barədə AZƏRTAC-a fondun mətbuat xidmətindən məlumat verilib. Bildirilib ki, layihə çərçivəsində şəhid övladlarının əl işləri fondun veb-saytında və sosial şəbəkə hesablarında nümayiş etdiriləcək. Layihəyə qoşulmaq istəyən uşaqlar əl işlərini, fotoşəkilləri, ad, soyad və ata adlarını, eləcə də şəhidin ad, soyad və ata adını qeyd etməklə, cari il noyabrın 1-dək dsmf_projects@sosial.gov.az elektron poçt ünvanına göndərə bilərlər.

Əməkdar artist Cabir İmanovla vida mərasimi saat 13:00-da Dövlət Təhlükəsizlik Xidmətinin Mədəniyyət Mərkəzində keçiriləcək. Bu barədə Teleqraf-a Əməkdar artistin dostu, Xalq artisti Murad Dadaşov məlumat verib. Qeyd edək ki, aktyor “Qurd Qapısı” qəbiristanlığında dəfn ediləcək.

Bu gün Bakının Xəzər rayonunun Buzovna qəsəbəsinin bəzi küçələrinin qaz təchizatında fasilə yaranacaq. Bu barədə Musavat.com-a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib. Bildirilir ki, “Yuxarı Buzovna” qaz xəttinin kipliyə sınaqdan keçirilməsi işləri ilə əlaqədar, sentyabrın 30-da saat 10:00-dan etibarən işlər başa çatanadək göstərilən qaz kəmərində qaz təchizatı dayandırılacaq. Qaz təchizatı dayandırılan müddətdə Buzovna qəsəbəsinin Ayna Sultanova, Dənizkənarı, Ruhulla Axundov və Əliağa Ağayev küçələrinin qaz təchizatında fasilə yaranacaq.