Bakıda qar nadir hallarda yağan, amma hər dəfə geniş müzakirə doğuran hadisədir. Məhz bu səbəbdən sinoptik xəritələrdə paytaxta doğru hərəkət edən soyuq hava axınları bu günlərdə həm mütəxəssislərin, həm də sakinlərin diqqət mərkəzinə düşüb. Temperaturun gecə saatlarında sıfır həddinə yaxınlaşması, buludluluğun artması və rütubətin yüksəlməsi “Bakıya qar yağacaqmı?” sualını yenidən gündəmə gətirib. Hava və iqlim məsələləri üzrə ekspert Cavid Hüseynov KONKRET.az-a açıqlamasında bildirib ki, mövcud meteoroloji proqnozlara əsasən, həftənin ilk günlərində paytaxtda yağıntıların sulu qar və qar şəklində düşmə ehtimalı var. “Belə ki, Bazar ertəsi (19 yanvar) və Çərşənbə axşamı…

“Heyvan bazarlarının fəaliyyətə başlaması, şübhəsiz ki, ət bazarında qiymətlərə öz təsirini göstərəcək. İlk növbədə qeyd etmək lazımdır ki, bazarların bağlı olması uzun müddət kəndlilərə və fermerlərə ciddi ziyan vururdu”. Bunu Demokrat.az-a açıqlamasında iqtisadçı ekspert Razi Abasbəyli bildirib. O deyib ki, məhsulların bazarlara çıxarılması və satışının təşkili ilə bağlı böyük çətinliklər yaranmışdı: “Bu da qiymətlərin nisbətən aşağı səviyyədə qalmasına səbəb olurdu. Bazarların açılması isə kəndlilərin və fermerlərin öz məhsullarını daha sərbəst və rəqabətli mühitdə satmasına imkan yaradacaq. Eyni zamanda dabaq xəstəliyinin yayılması və heyvan bazarlarının bağlı olmasından istifadə edən bəzi idxalçılar…

Yanvarın 21-də “Qarabağ” FK-nın UEFA Çempionlar Liqası oyunu ilə əlaqədar “Bakı Metropoliteni” QSC-də iş saatı uzadılacaq. Bu barədə Musavat.com-a səhmdar cəmiyyətindən bildirilib. Məlumata əsasən, azarkeşlərin rahat və təhlükəsiz daşınması üçün Bakı metrosu gücləndirilmiş iş rejimində fəaliyyət göstərəcək, bütün stansiyalar yanvarın 22-nə keçən gecə saat 01:00-a qədər açıq olacaq, “Gənclik”, “28 May” və “Nərimanov” stansiyalarında xüsusi nəzarət təmin ediləcək.