Neftçalanın sabiq icra başçısı İsmayıl Vəliyevlə birgə məhkum edilmiş müavini Gültəkin Sadıqova da bu gün azadlığa buraxılıb. Musavat.com bildirir ki, Prezident İlham Əliyevin təşəbbüsü ilə irəli sürülən amnistiya aktı Gültəkin Sadıqovaya da şamil edilib. Xatırladaq ki, Neftçala Rayon İcra Hakimiyyətinin sabiq müavini Gültəkin Sadıqova 4 il 6 ay azadlıqdan məhrum edilmişdi. O, İsmayıl Vəliyev və digər vəzifəli şəxslərlə birgə korrupsiya ittihamı ilə cinayət məsuliyyətinə cəlb olunmuşdu. Xalidə Gəray Musavat.com

Prezident İlham Əliyevin təşəbbüsü ilə irəli sürülən amnistiya aktı 4 saylı cəzaçəkmə müəssisəsində icra olunub. Musavat.com bildirir ki, bu cəzaçəkmə müəssisəsində amnistiya aktı ilkin mərhələdə 52 nəfər qadına şamil olunub. Onlardan 22 nəfər qadın bu gün azadlığa buraxılıb. Qeyd edək ki, qadınlardan 2-si azyaşlı övladları ilə birgə cəza çəkən qadınlardır. Tədbirdə Ombudsman Səbinə Əliyevə, Milli Məclisin İnsan hüquqları komitəsinin sədri, deputat Zahid Oruc və digər qonaqlar iştirak edir. Qeyd edək ki, amnistiya aktının elan edilməsi ilə bağlı təşəbbüslə Prezident İlham Əliyev çıxış edib. Bu təşəbbüsün əsasında Milli Məclis Amnistiya elan edilməsi…

Dekabrın 22-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir. Musavat.com xəbər verir ki, bu barədə Milli Hidrometeorologiya Xidməti məlumat yayıb.

“3 il müddətinə azadlıqdan məhrum edilmişdim. Bu gün isə cəzamın çəkilməmiş 10 ayı bağışlanaraq azadlığa buraxıldım”. Bu sözləri Musavat.com-a açıqlamasında Penitensiar Xidmətin 4 saylı cəzaçəkmə müəssisəsindən azadlığa buraxılan Əfsanə Cəfərova deyib. O, azadlığa buraxılmasını dövlət başçısının imzaladığı amnistiya aktı ilə əlaqələndirərək Prezidentə dərin təşəkkürünü bildirib: “Bugünkü sevincimi sözlə ifadə edə bilmirəm. Çox xoşbəxtəm. Cənab Prezidentə öz dərin minnətdarlığımı bildirirəm. Övladların anadan, ailədən, əzizlərdən ayrı qalması bizim üçün ən ağır cəza idi. Bu ayrılıq həm mənim, həm də uşaqlarım üçün çox çətin keçdi. Bu gün isə ana kimi ən böyük sevincimi yaşayıram.…

Bakı şəhərinin marşrut avtobuslarında sərnişinlər gediş haqlarını NFC-ni dəstəkləyən bütün yerli bank kartları, eləcə də “Apple Pay” və “Google Pay” vasitəsilə ödəyə biləcəklər. Bu yeniliyin tətbiqindən sonra sosial şəbəkələrdə belə bir müzakirə yaranıb ki, uzun illərdir paytaxtda ictimai nəqliyyatda istifadə olunan “BakıKart” artıq funksionallığını itirə və gələcəkdə ləğv oluna bilər. Məsələ ilə bağlı Axar.az-a açıqlama verən “Bakıkart” müştəri xidmətləri üzrə baş mütəxəssis Mehriban Əhmədova yayılan iddialara aydınlıq gətirib. O bildirib ki, “BakıKart” ödəniş sistemi tam şəkildə fəaliyyətini davam etdirir və “BakıKart” kartlarının ləğvi ilə bağlı hər hansı qərar yoxdur.

Prezident İlham Əliyevin təşəbbüsü ilə irəli sürülən amnistiya aktı Ədliyyə Nazirliyinin Penitensiar Xidmətinin 7 saylı məntəqə tipli cəzaçəkmə müəssisəsində də icra olunub. Musavat.com bildirir ki, amnistiya aktı Xırdalanda xəstənin ölümünə səbəb olan tibb bacısı Şəfaqət Bağıyevaya da şamil edilib. O, bu gün cəza çəkdiyi məntəqə tipli cəzaçəkmə müəssisəsindən azadlığa buraxılıb. Xalidə Gəray Musavat.com