Azərbaycan xarici işlər naziri Ceyhun Bayramov BMT Baş Assambleyasının 80-ci sessiyası çərçivəsində Ekvadorun xarici işlər və insan mobilliyi naziri Qabriella Sommerfeld ilə görüşüb. ARANTV.AZ xəbər verir ki, bu barədə Azərbaycan Xarici İşlər Nazirliyinin “X” sosial media hesabında paylaşım edilib. Bildirilib ki, nazirlər siyasi məsləhətləşmələrin gücləndirilməsi, iqtisadi və humanitar əməkdaşlığın şaxələndirilməsi, eləcə də BMT, Qoşulmama Hərəkatı və daha geniş beynəlxalq platformalar çərçivəsində daha sıx əməkdaşlığın təşviqi ilə bağlı fikir mübadiləsi aparıblar. Nazirlər “Azərbaycan Respublikasının Xarici İşlər Nazirliyi ilə Ekvador Respublikasının Xarici İşlər və İnsan Mobilliyi Nazirliyi arasında siyasi məsləhətləşmələrə dair Protokol”u…

Son günlər havaların qeyri-sabit keçməsi bazarlardakı qiymətlərə də təsir edib. Tərəvəz bolluğu yaşansa da, qiymətlər alıcıların ürəyincə deyil. ARANTV.AZ  Xəzər TV-yə istinadən bildirir ki, satıcılar deyirlər ki, son 10 gündə bəzi məhsulların qiymətində 50 faizə yaxın bahalaşma var. Buna səbəb isə havaların qeyri-sabit keçməsidir. Satıcıların sözlərinə görə, qiymət artımının başqa bir səbəbi isə turşu mövsümü ilə bağlıdır. Tərəvəzlərdən kələm və bibərin qiymətində isə artım olmadığı bildirildi. Son günlər qiymətlərdə artım olsa da, bazarda alıcılar kifayət qədərdir. Satıcılar bildirirlər ki, bir müddət sonra qiymətlərin nisbətən enəcəyi gözlənilir. Daha ətraflı videomaterialı təqdim…

Azərbaycan Orta Dəhliz üzərində yerləşən nəqliyyat infrastrukturuna, xüsusilə də dəniz limanına, gəmiqayırma zavoduna, dəmir yolu və digər logistik infrastruktura böyük investisiyalar yatırıb. ARANTV.AZ  xəbər verir ki, bu barədə Prezident İlham Əliyevin Xəzər Siyasət Mərkəzinin təşkilatçılığı ilə keçirilən “Orta dəhliz boyunca: bağlantı, maliyyə və enerji” mövzusuna həsr olunmuş 6-cı Xəzər Biznes Forumunun iştirakçılarına müraciətində deyilir. Qeyd olunub ki, Bakı-Tbilisi-Qars dəmir yolu, Bakı Beynəlxalq Dəniz Ticarət Limanı, Xəzər yük donanması – bütün bunlar Orta Dəhlizin funksionallığını təmin edən vacib nəqliyyat infrastrukturlarıdır. “Orta Dəhlizin Azərbaycan seqmentində infrastrukturun təkmilləşdirilməsi, rəqəmsallaşdırılması, modernləşdirilməsi və ötürücülük qabiliyyətinin…

Azərbaycan tarixinin ən şanlı səhifələrindən biri – 19–20 sentyabr 2023-cü il antiterror əməliyyatının icrasından bu gün iki il keçir. Cəmi 24 saat davam edən bu qətiyyətli hərbi əməliyyat nəticəsində Qarabağda qondarma rejim ləğv olundu, Ermənistan ordusunun qanunsuz silahlı birləşmələri məhv edildi, Azərbaycanın dövlət suverenliyi tam bərpa olundu. Terrora qarşı cavab – haqqın və ədalətin bərpası Əməliyyatın başlanmasına səbəb 2023-cü il sentyabrın 19-da erməni silahlı birləşmələrinin törətdiyi növbəti terror aktı oldu. Mina partlayışı nəticəsində iki mülki şəxs daxil olmaqla altı Azərbaycan vətəndaşı şəhid oldu. Bu, Ermənistanın İkinci Qarabağ müharibəsindən sonra törətdiyi…

Azərbaycan son illərdə regionun iqtisadi və siyasi həyatında mühüm oyunçu kimi, etibarlı tərəfdaş mövqeyini möhkəmləndirərək, sabitlik və etimad mənbəyinə çevrilib. Cənubi Qafqazın ən iri iqtisadiyyatı olan ölkə enerji resursları ilə yanaşı, həm də strateji coğrafi mövqeyi, regional nəqliyyat-logistika təşəbbüslərində aparıcı rolu və dayanıqlı inkişaf gündəliyi ilə beynəlxalq diqqəti öz üzərinə cəlb edir. Azərbaycanın xarici siyasəti iqtisadi diplomatiya ilə vəhdət təşkil edir: ölkə həm Şərq, həm də Qərb bazarları üçün etibarlı tərəfdaş, tranzit qovşağı və sərmayə üçün əlverişli məkan kimi mövqeyini möhkəmləndirir. Sabit siyasi mühit, müasir infrastruktur layihələri, biznes fəaliyyətinin asanlaşdırılması…

“Məlumat üçün bildirirəm ki, həkim geyimini qanunsuz olaraq istifadə edib, özünü həkim kimi göstərən, ictimaiyyəti aldadan Gülsüm Əliyevaya daha bir məhkəmə prosesində qalib gəlmişəm. Saxta yollarla özünü həkim adlandıran Gülsüm Əliyeva məni məhkəməyə vermişdi ki, guya mən ona böhtan atmışam və o heç bir saxtakarlıq etməyib. Amma faktlar tamamilə əksini göstərir. Onun saxta şəkildə həkim adı ilə çıxış etməsi, gah kosmetoloq, gah da həkim adı ilə əhaliyə tibbi müdaxilələr etməsi sübuta yetirilib”. Axşam.az xəbər verir ki, bu sözləri ABŞ-də yaşayan jurnalist Qənirə Ataşova sosial şəbəkədə yazıb. O bildirib ki, “VMR…