Sabah Keşlə qəsəbəsində su kəsiləcək. Musavat.com xəbər verir ki, bu barədə İri Şəhərlərin Birləşmiş Su Təchizatı Xidməti məlumat yayıb. Bildirilib ki, Keşlə qəsəbəsinin bir hissəsini içməli su ilə təmin edən magistral su xəttinin qəzalı hissəsinin dəyişdirilməsi ilə bağlı görüləcək işlər çərçivəsində 19.01.2026-cı il tarixində gün ərzində həmin ərazinin su təchizatında müvəqqəti fasilə yaranacaq.

“Hazırda yazıçıların ödənişi davam edir və son günlər bu sahədə canlanma müşahidə olunur”. Bunu Musavat.com-a açıqlamasında Azərbaycan Yazıçılar Birliyinin (AYB) mətbuat xidmətinin rəhbəri Xəyal Rza bildirib. O, yazıçıların üzvlük haqqı ilə bağlı danışarkən qeyd edib ki, Birlikdən xaric olunma xəbərdarlığından sonra bəzi yazıçılar ödənişlərini həyata keçiriblər: “Mənim əlimdə tam statistika yoxdur, amma ödənişlər artıq başlayıb. Biz üzvlərimizi məsuliyyətsizlikdə günahlandırmırıq. Onlardan bəziləri müəyyən səbəblərdən ödəniş etməyib, bəziləri isə sadəcə unutmuşdu. Bu günlərdə bir çox yazıçı gəlir və ödənişlərini həyata keçirir. Fevralın 1-dək müddət var, ondan sonra konkret qərar veriləcək. Siyahıda tanınmış imzalar da mövcuddur.…

Hazırda ölkənin bir sıra bölgələrində müşahidə olunan qar yağışı və şaxtalı hava şəraiti avtomobil yollarında hərəkəti xeyli çətinləşdirir. Musavat.com xəbər verir ki, Baş Dövlət Yol Polisi İdarəsi (BDYPİ) bununla bağlı sürücülərə müraciət edib. Bildirilib ki, sürüşkən yol örtüyü, məhdud görünüş məsafəsi və qəfil hava dəyişiklikləri yol-nəqliyyat hadisələri riskini artırır. Təhlillər göstərir ki, qarlı hava şəraitində baş verən qəzaların əsas səbəblərindən biri mövsümə uyğun olmayan və aşınmış şinlərdən istifadədir. Bu səbəbdən sürücülərdən xahiş edirik: Zərurət olmadıqca uzunməsafəli və dağlıq ərazilərə səfərlərdən çəkinin; Nəqliyyat vasitələrinin texniki sazlığını, xüsusilə şinlərin qış mövsümünə uyğunluğunu, diş…

Kəlbəcər şəhərində qar yağıb. Qarlı hava şəhərdə əsl qış ab-havası yaradıb, Kəlbəcərin dağlıq əraziləri, küçələri və yaşayış massivləri ağ örpəyə bürünüb. Musavat.com xəbər verir ki, qar yağışı ilə birlikdə havanın temperaturu aşağı düşüb, şəhərdə füsunkar qış mənzərələri yaranıb. Xüsusilə dağ yamaclarında və açıq ərazilərdə qar örtüyü daha qalın müşahidə olunur. Qar yağışı uşaqlar üçün isə əsl sevincə çevrilib. Qeyd edək ki, qarlı hava Kəlbəcərin təbii gözəlliyini daha da ön plana çıxarıb və bölgədə qışın özünəməxsus mənzərəsi formalaşıb.   Musavat.com

Şuşada qış özünü göstərib, şəhərə qar yağıb. Musavat.com xəbər verir ki, qar yağışı Şuşanın küçələrini, tarixi abidələrini və dağlıq ərazilərini ağ örpəyə bürüyüb. Şəhərdə qış mənzərəsi müşahidə olunur, hava temperaturu isə xeyli aşağı düşüb. Qeyd edək ki, qar yağışı Şuşanın təbii gözəlliyini daha da ön plana çıxarıb, burada füsunkar qış görüntüləri yaradıb.   Musavat.com

Fövqəladə Hallar Nazirliyinə (FHN) Zəlzələ nəticəsində hər Şamaxı və Ağsuda hansı dağıntı və ya insan xəsarəti barədə məlumat daxil olmayıb. “İki sahil” xəbər verir ki, bu barədə Fövqəladə Hallar Nazirliyinin Mətbuat xidmətindən bildirilib. Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, 18.01.2026-cı il tarixində yerli vaxtla saat 07:56-da Şamaxı-Ağsu sərhədində (Ağsu rayonunda) 3.8 maqnitudalı zəlzələ qeydə alınıb.