“Qarabağ”ın bir az əvvəl başa çatan oyunu gerçəkdən möhtəşəm oldu. Komandamızı oyunun əvvəlində qol hesabını açdı, axırında qolla qapatdı. Rəqibin oyunun ortasındakı qollarından biri elə-belə qol idi, hakimin almanlara hədiyyəsi idi. Ondan əvvəl rəqiblər “Qarabağ”ın forvardına qarşı cərimə meydançasının içində daha böyük kobudluğa yol vermişdilər, ancaq hakim oyunu davam etdirmişdi. Komandamızın rəqib oyunçusunun qarşısını kəsməsi isə penalti ilə qiymətləndirildi. Haqsızlıq göz önündə idi. Xüsusilə də 1 dəqiqə öncəki epizodla müqayisədə. Biz belə ayrı-seçkiliklərə çoxdan öyrəşmişik. Az qala elə bir oyun yoxdur ki, hakimlər “Qarabağ”ın qapısına penalti təyin etməsinlər. Dünya üzrə…

“Qarabağ”ın “Ayntraxt” üzərində qazandığı qələbə təkcə hesabla deyil, yaşanan emosiyalarla da yadda qalıb. Matçdan sonra meydanda duyğulu anlar yaşanıb. Musavat.com xəbər verir ki, futbolçular və baş məşqçi Qurban Qurbanov qazanılan qələbənin təsiri ilə göz yaşlarını saxlaya bilməyiblər. Komandanın son dəqiqələrdə iradə göstərərək üstünlüyü yenidən ələ alması və oyunu qələbə ilə bitirməsi emosiyaları daha da artırıb. Qarşılaşmadan sonra futbolçuların bir-birini qucaqlaması, Qurban Qurbanovun da duyğulandığı anlar sosial şəbəkədə yayılıb.   Musavat.com

Prezident İlham Əliyev “Qarabağ” – “Ayntraxt” (Almaniya) oyununun baş hakimi barəsində lazım olan şərhi verib. Bunu “Qarabağ”ın baş məşqçisi Qurban Qurbanov deyib. Mütəxəssis Bakıda “Ayntraxt”a qarşı keçirdikləri UEFA Çempionlar Liqasının əsas mərhələsinin VII turunun oyunundan sonra Azərbaycan çempionunu təbrik edən Prezident İlham Əliyevə öz təşəkkürünü bildirib: “Mən də öz növbəmdə qələbə münasibəti ilə Cənab Prezident İlham Əliyevi təbrik edirəm. Bizə göstərdiyi dəstəyə görə təşəkkürümü bildirirəm. Qarşılaşmanın baş hakimi Sandro Şererin haqsız qərarları ilə bağlı lazım olan bütün fikirləri Prezident bildirdi. Məncə onun sözlərindən sonra əlavə şərhə ehtiyac yoxdur. Təbii ki,…

Musavat.com xəbər verir ki, “Qarabağ”ın futbolçusu Bəhlul Mustafazadə UEFA Çempionlar Liqasının əsas mərhələsində qol vuran ilk azərbaycanlı futbolçu olub. O, Almaniyanın “Ayntraxt” komandası ilə matçın 90+4-cü dəqiqəsində fərqlənərək diqqət mərkəzinə düşüb. 28 yaşlı müdafiəçinin vurduğu qol “Qarabağ” üçün həlledici olub.