Kriptovalyuta bəziləri tərəfindən “gələcəyin pulu”, bəziləri tərəfindən isə “əsəblərin sınaq meydanı” kimi xarakterizə edilir. Virtual olmasına baxmayaraq, o, real dünyada ciddi təsir göstərməkdə davam edir. Bir gün qiyməti zirvədə, digər gün isə dibdə olan bu valyutaların ticarəti investorları həyəcanla izləməyə və bəzən çox yüksək risklərə atılmağa məcbur edir. Kriptovalyutalar səbəbindən bəzi insanlar hətta həyatlarına son qoyublar. Buna baxmayaraq, bu sahəyə maraq hələ də azalmır. Kriptovalyutaların gətirdiyi stres və psixoloji yük haqqında danışan kriptovalyuta investoru Murad Cəfərli uzun illərdir ki, bu bazarda fəaliyyət göstərdiyini bildirib. O, bütün sərmayəsini kriptovalyutaya yönəldib və…

Azərbaycanda kənd təsərrüfatının əsas problemi artıq torpaq və texnika çatışmazlığı deyil, əmək qüvvəsinin azlığıdır. Fermerlər məhsul əkir, amma biçməyə adam tapmadıqlarını iddia edirlər. Ənənəvi olaraq kəndin gəncləri üçün “müvəqqəti qazanc” sayılan tarlada işləmək maraqlı deyil. Bu boşluğu isə getdikcə xarici işçilər, əsasən Pakistan və Banqladeşdən gələnlər doldurur. Görəsən, yerli işçilər niyə tarlada işləməyə maraq göstərmir? Fermerlərin “işçi tapa bilmirik” deməsinin iqtisadi səbəbi nədir? Əmək bazarında balans niyə pozulub? Xarici ölkə vətəndaşlarının kənd təsərrüfatına cəlb edilməsi iqtisadi baxımdan müsbət addımdır, yoxsa risklidir? Bu tendensiya davam edərsə, 5-10 ildən sonra kənd təsərrüfatı…

Bakıda Vətən müharibəsində qazanılan qələbənin 5-ci ildönümünə həsr olunmuş hərbi paradla bağlı məşqlər başlanılıb. “Report” xəbər verir ki, paytaxt səmasında hərbi təyyarələrin uçuşu müşahidə edilir. Xatırladaq ki, 2020-ci il dekabrın 10-da Bakıda Azadlıq meydanında Vətən müharibəsində qələbə şərəfinə Zəfər paradı keçirilib. 2023-cü il noyabrın 8-də isə Xankəndi şəhərində Vətən müharibəsində əldə edilən Zəfərin üçüncü ildönümünə həsr olunan hərbi parad olub. Bu il isə noyabrın 8-də paytaxtın Azadlıq meydanında hərbi parad təşkil olunacaq.

AzTV xəbər komandası 30 ildən artıq müddətdə düşmən nəzarətində olan ərazilərimizdə — keçmiş döyüş postlarından eksklüziv görüntülər təqdim edib. Ağdam rayonunda çəkilən bu görüntülərdə düşmənin uzun müddət müşahidə və atəş nöqtəsi kimi istifadə etdiyi mövqelər, səngər strukturu və qurulan rabitə sistemləri əks olunub. Səngərlər əsasən kustar üsulla hazırlanmış beton dirəklərlə möhkəmləndirilib. Eyni zamanda, ermənilərin borulardan hazırladığı partlayıcı qurğuların bəziləri hələ də ərazidə qalmaqdadır.

Gürcüstan parlamentinin sədri Şalva Papuaşvili ölkəsinin artıq Avronest Parlament Assambleyasının gələcək sessiyalarında iştirak etməyəcəyini açıqlayıb. “Aydındır ki, Avropa Parlamenti Avronest platformasını qonşu ölkələrə siyasi şantaj və öz dar gündəmini zorla sırımaq alətinə çevirib. Belə düşmən və birtərəfli yanaşmalar fonunda Gürcüstan nümayəndə heyəti iştirakını dayandırır,” – deyə o bildirib. Musavat.com-un məlumatına görə Papuaşvili əlavə edib ki, Tiflis yalnız Avropa Parlamenti konstruktiv dialoq üçün şərait yaradarsa Avronestə qayıdacaq. Qeyd edək ki, Avronest daha əvvəl Gürcüstandakı “demokratiyadan geriləmə”, “seçki saxtalaşdırılması” və “antidemokratik qanunlar” barədə tənqidi qətnamə qəbul etmişdi.