“Əhaliyə verilən istilik enerjisi mütləq şəkildə sayğacla ölçülməlidir”. Musavat.com xəbər verir ki, bunu “Report”a müsahibəsində “Azəristiliktəchizat” ASC-nin sədri İlham Mirzəliyev bildirib. Onun sözlərinə görə, bu həm şəffaflıq, həm də xərclərin optimallaşdırılması baxımından vacibdir: “Biz son iki ildə bu mövzunu aktiv şəkildə gündəmə gətirmişik. Əvvəllər bu məsələ ümumiyyətlə müzakirə olunmurdu. Ola bilsin ki, bəzi hallarda biz çox enerji veririk, amma onun dəyərini tam şəkildə ala bilmirik”. Əhaliyə verilən istilik enerjisi sayğacla ölçüləcək İ. Mirzəliyevin fikrincə, istilik sayğacları qaz, su və elektrik sayğacları kimi sadə deyil: “Onların quruluşu və idarə edilməsi daha…

Son günlər ətin qiyməti ilə bağlı əhali arasında yenə narazılıq var. Qeyd edilir ki, şəhərin müxtəlif yerində ət fərqli qiymətə təklif edilir. Ətin qiyməti ilə bağlı proqnozlar onsuz da ürəkaçan deyildi. Son aylar mediada yayımlanan məlumatlara əsasən deyə bilərik ki, 2025-ci il ərzində Azərbaycanda ət məhsullarının qiymətində tədricən, lakin davamlı artım müşahidə olunub. İlkin aylarda dana və quzu ətinin qiymətləri nisbətən aşağı olsa da, yaz aylarından başlayaraq artım daha da nəzərə çarpıb. Yanvar ayında dana ətinin kiloqramı təxminən 14.5–15 manat, quzu əti isə 18–19 manat civarında satılırdı. Mart ayına doğru…

Sağlamlaşdırma tədbirləri səbəbindən oktyabrın 25-dən mərhələli şəkildə heyvan bazarlarında müvəqqəti məhdudiyyətlər tətbiq olunacaq. Bu barədə Publika.az-a Azərbaycan Qida Təhlükəsizliyi Agentliyindən (AQTA) məlumat verilib. Bildirilib ki, Azərbaycanın həmsərhəd bölgələri, heyvanların mövsümi miqrasiya marşrutları, eləcə də heyvan bazarları yüksək risk əraziləri kimi müəyyən edilib. Buna görə də, heyvan bazarlarında müxtəlif mənşəli heyvanların bir yerdə saxlanması, satış və daşınma prosesləri infeksiya törədicilərinin yayılmasına, ölkə ərazisində xəstəliklərin baş vermə riskinin artmasına səbəb ola bilər. Epizootik sabitliyin və bioloji təhlükəsizliyin qorunması, zoonoz və xüsusi təhlükəli xəstəliklərin yayılmasının qarşısının alınması məqsədilə AQTA bir sıra zəruri tədbirlər görür.…

“Meyvə-tərəvəzin qiymətləri sezon və fəsil dəyişdikcə artma meyli göstərir. Oktyabr-noyabr ayları narın mövsümü olduğu üçün bu zaman nar qiymətləri nisbətən aşağı olur. Lakin fəsil dəyişdikcə, yanvar-fevral aylarında narın qiymətində artım gözlənilir”. Bunu BiG.AZ-a açıqlamasında iqtisadçı Xalid Kərimov bildirib. O, qeyd edib ki, sezonun bitməsi ilə anbardan və parnikdən gələn meyvə-tərəvəz məhsullarının qiyməti daha yüksək olur. Bu, iqtisadiyyat üçün normal bir proses hesab olunur, çünki tələbatın azalması və məhsulun əlçatanlığının dəyişməsi qiymətləri birbaşa təsir edir: “Bu il qiymət artımı ötən illərlə müqayisədə daha çox olub. Ötən ilin xərcləri ilə bu ilin xərclərini…

Dövlət Təhlükəsizlik Xidmətininin İstintaq Baş İdarəsində aparılan istintaq çərçivəsində PA-nın sabiq rəhbəri Ramiz Mehdiyev növbəti dəfə ifadə verib. Barəsində ev dustaqlığı qətimkan tədbiri seçilən Ramiz Mehdiyev dünən 7 saata yaxın müstəntiqlərin suallarını cavablandırıb. Mehdiyevi dövlət tərəfindən təqdim edilən vəkil Zaur Abıyev müşaiyət edib. Məlumatda o da bildirilir ki, Ramiz Mehdiyev istintaqa gələrkən əlində əsa olub. PA-nın sabiq rəhbəri CM-nin 274 (dövlətə xəyanət) və 278 ( Hakimiyyəti zorla ələ keçirmə və ya onu zorla saxlama, dövlətin konstitusiya quruluşunu zorla dəyişdirmə ) maddələri ilə ittiham olunur. Qeyd edək ki, Səbail Rayon Məhkəməsi…

Uşaqlıq dövründə yaşanan emosional və psixoloji travmalar insanın gələcək həyatına, münasibətlərinə və özünə inamına ciddi təsir göstərə bilər. Travmaların nəticəsi bəzən illər sonra yetkinlik dövründə qorxu, güvən problemi və ya depressiya şəklində üzə çıxır. Klinik psixoloq Aytəkin Əliyeva BiG.AZ-a bildirib ki, uşaqlıq travmalarından qurtulmaq uzunmüddətli, amma mümkün bir prosesdir: “İlk addım travmanı inkar etməməkdir. İnsan başına gələn hadisəni qəbul etməli, “bu mənim başıma gəlməyib” kimi müdafiə mexanizmlərindən uzaq durmalıdır. Hissləri tanımaq və ifadə etmək şəfa prosesinin əsas hissəsidir. Bəzən insanlar travmanı unutmaqla ondan xilas ola biləcəklərini düşünürlər, lakin bu, əks təsir…

Valideynlər arasında tez-tez yaşanan münaqişələr uşaqlarda dərin psixoloji izlər buraxa bilər. Bu cür gərginliklər uşağın emosional təhlükəsizlik hissini zəiflədir, onda qorxu, günahkarlıq və aqressiya kimi duyğular formalaşdırır. Uşaq psixoloqu Aysel Əzizli BiG.AZ-a bildirib ki, ailə mühitində gərginlik uşağın özünü necə hiss etməsinə birbaşa təsir edir: “Valideynlərin dava etməsi uşağa təhlükə siqnalı verir. Uşaq düşünür ki, ailə dağılacaq və bu, onun səhvidir. Bu, gələcəkdə özünü günahlandırma və aşağı özünəqiymət hissinə səbəb olur. Ailə münaqişələri davamlı hal aldıqda uşaqda ya passiv qorxu, ya da aqressiv davranışlar müşahidə olunur. Belə uşaqlar ya tam qapanır,…

Bəzi mövsümi giləmeyvələr ürək-damar sisteminin sağlamlığı üçün xüsusilə faydalıdır. Terapevt və diyetoloq Qalina Volkova “RİA Novosti”yə açıqlamasında qan damarlarını möhkəmləndirən əsas giləmeyvələri sadalayıb. Mütəxəssisin sözlərinə görə, böyürtkən və moruq yüksək miqdarda C vitamini və antioksidantlarla zəngindir. Bu maddələr damar divarlarını möhkəmləndirir, qan dövranını yaxşılaşdırır və iltihabi proseslərin qarşısını alır. Volkova əlavə edib ki, yaban mersini görmə üçün faydalı olmaqla yanaşı, tünd üzüm kimi ürək və damar sağlamlığını dəstəkləyir. Faydalı giləmeyvələr sırasında həmçinin bektaşi üzümü, qarağat, eləcə də kalium və maqneziumla zəngin qarpız da yer alır — bunlar qan təzyiqini tənzimləməyə…